தலைவர்
திரு. செந்தீ நடராஜன்
துணைத்தலைவர்
முனைவர் சொ.சாந்தலிங்கம்
செயலர்
பேரா. சு. இராசவேலு
இணைச்செயலர்
முனைவர் வி.ப.யதீஸ்குமார்
பொருளாளர்
முனைவர் வீ.செல்வகுமார்
பதிப்பாசிரியர்
முனைவர் சு. இராசகோபால்
ஆவணம்
தமிழக வரலாற்றின் சான்று
கழகத்தின் 28 ஆம் ஆண்டுக் கருத்தரங்கம் – நன்றி
◾ தமிழக வரலாற்றிற்கு அடிப்படைச் சான்றுகளான தொல்லியல் கல்வெட்டியல்,நாணயவியல்,ஓலைச்சுவடிகள், கோயிற் கட்டடக்கலை, சிற்பங்கள் ஆகியவற்றைத் தேடிக்கண்டுபிடித்து ஆவணப்படுத்தும் பணிகளை முதன்மையாக செய்யும் ஆய்வுக் கழகம் தொல்லியக் கழகம்.
◾ தென்னிந்திய வரலாறு, கல்வெட்டியல், தொல்லியல் ஆகிய துறைகளில் உலகப் புகழ்பெற்ற பேராசிரியர்களின் முயற்சியால் 1991 ஆம் ஆண்டு தஞ்சாவூரில் நிறுவப்பட்ட இக்கழகம் தற்பொழுது தமிழகத்தின் தலைநகரமான சென்னையில் செயல்பட்டு வருகின்றது. தமிழகத் தொல்லியல் கழகம் என்ற பெயரில் முதலில் தொடங்கப்பட்டு பின்னர் தொல்லியல் கழகம் என பெயர் மாற்றம் பெற்றது. தமிழகம் மட்டுமன்றி உலகம் முழுவதும் ஏறக்குறைய 1200 வாழ்நாள் உறுப்பினர்களைக் கொண்டு செயல்பட்டு வருவதால் தொல்லியல் கழகம் என்ற பெயர் மாற்றம் பொருத்தமுடையதாக அமைகின்றது.
◾ இக்கழகத்தினைத் தோற்றுவித்த பேராசிரியர்களாக பேராசிரியர் எ. சுப்பராயலு, பேராசிரியர் ப. சன்முகம், பேராசிரியர் புலவர் இராசு, கண் மருத்துவரான டாக்டர் கலைக்கோவன், மறைந்த கொடுமுடி சண்முகம், பேராசிரியர் விஜய வேணுகோபால் ஆகியோர் விளங்குவர்.
◾ இவர்களுக்கு அடுத்த நிலையில் தொடக்க நிலையில் இருந்தே பேராசிரியர் எ.சுப்பராயலு அவர்களின் வழிகாட்டலில் கல்வெட்டியலிலும் தொல்லியலிலும் பேராசிரியர்களாகவும் ஆய்வறிஞர்களாகவும் விளங்கி வருகின்ற பேராசிரியர் க.இராஜன், பேராசிரியர் சு.இராசவேலு, பேராசிரியர் ந. அதியமான்,(மறைவு) பேராசிரியர் இல. தியாகராஜன் பேராசிரியர் ப. ஜெயக்குமார் ஆகியோரும் கல்வெட்டியல் அறிஞர்களான முனைவர் சு.இராசகோபால், முனைவர் வெ. வேதாசலம், முனைவர், சொ. சாந்தலிங்கம், ஆகியோரும் இக்கழகத்தை முன்னின்று தொடர்ந்து நடத்தி வருகின்றனர். உலகம் முழுவதும் தொல்லியல் கல்வெட்டியல் ஆய்வில் மிகச் சிறந்த பேராசிரியர்களும் இக்கழகத்தில் வாழ்நாள் உறுப்பினர்களாக உள்ளனர்.
◾ இவர்களுடன் கல்வெட்டியல் தொல்லியல் ஆர்வலர்களும் உறுப்பினர்களாக இருந்து தொல்லியல் கழகத்தை கடந்த 30 ஆண்டுகளாக சீரும் சிறப்புமாக வழி நத்தி வருகின்றனர். இக்கழகத்தின் புரவலர்களாக மறைந்த கல்வெட்டியல் அறிஞர் பத்மஸ்ரீ ஐராவதம் மகாதேவன், பத்மஸ்ரீ தினமலர் ஆசிரியரும் நாணயவியல் அறிஞருமான டாக்டர் கிருஷ்ணமூர்த்தி ஆகியோர் உள்ளனர். உலக அரங்கில் சிறந்த பேராசிரியர்களான ஜப்பானியப் பேராசிரியர் நபொரு கராஷிமா, தொல்லியல் பேராசிரியர் எப்.ஆர். அல்சின், ஹெர்மன் டிக்கன், சிவிலார்ட், திலிப் சக்ரவர்த்தி, முனைவர் காங்கிலி முனைவர் தயாளன், முனைவர் எம்,டி. சம்பத், இராகவ வாரியார், ராஜன்குருக்கள், முனைவர் சாந்திபப்பு, அலோக் திருப்பாதி, இலங்கைப் பேராசிரியர்கள் இந்திரபாலா, சிற்றம்பலம்,மகேஸ்வரன், பரமு புஷ்பரத்னம், கிருஷ்ண ராஜா, உதயாபிள்ளை போன்றோர் உறுப்பினர்களாக உள்ளனர்.
◾ இக்கழகத்தில் 1200 க்கும் மேற்பட்ட ஆர்வலர்களும் ஆசிரியப் பெருமக்களும் உறுப்பினர்களாக விளங்கி தொல்லியல் கழகத்தின் ஆவணம் இதழில் புதிய கண்டுபிடிப்புகளை ஆண்டுதோறும் வெளிப்படுத்தி வருகின்றனர்.